أهلا وسهلا بكل متابعي مدونة عذب الكلام الأوفياء.
في إطار نشر مساهمات مبدعي عذب الكلام، نقدم لكم اليوم مساهمة من المبدع المتألق مصطفى بنعبو، والتي تحمل عنوان: وصفة للنسيان.
وصفة للنسيان للمبدع مصطفى بنعبو |
وصفة للنسيان
- جابت لي وصفة للنسيان
قالت لي خذها و نساني
- دخلاتني لاعماق الاحزان
ؤ قالت لي ماشي بلعاني
- ياك انت اقوى انسان
ؤ النسيان طبع انساني
- دبا تنسى اللي بينا كان
لا تخليني نشوفك اناني
- قلت لها مافهمتيني مزيان
حبالك اللي كانت موقفاني
- وانا اليوم ضعيف هزلان
ملي فراقك زاد كواني
- مصدوم، و بلا بك عيان
حتى دموعي مامهنياني
- سمعت شحال بكيد النسوان
و اليوم كيدك عاد وراني
- رسمتي لي بريشة فنان
بكلامك لحلو اللي عماني
- لا تلوحي هجرانك على الزمان
و تقولي الوقت ما خلاني
- كنت حاسبك حورية لجنان
حتى عرفت بفعلك اللي آذاني
- لكن فيك ما فقدت الإيمان
و شاد فيك بيدي و سناني
- كل مرة قصة بعنوان
حروفك ما تلات قنعاني
- كلشي من كلامك بان
لا تبرري بالبكا هجراني
- عشت و مازال فالحرمان
من ديما انا كنت نعاني
- حبك غير كان نقصان
زاد كمل على خسراني
- خليتي فيك لقلب حيران
و لعقل يقول آش اداني
- لمحبة ماهي كلمة باللسان
تضحي ما تكون الجاني
- لا تظني من كلامي ندمان
هذي غير حرقة حرماني
- مازال رافع كفوفي للمنان
يرجعك أمحبوبتي لي ثاني
بقلم: مصطفى بنعبو
نقترح عليكم: بنات الحياة للمبدع مصطفى بنعبو.
وهي من إبداعات المتألق مصطفى بنعبو
وأيضا
نقترح عليكم: ليست أجمل أيامي ولا أسوأها للكاتبة سميرة بسراف.
وللراغبين في نشر مساهماتهم على مدونة عذب الكلام يرجى الاطلاع على طريقة التواصل والشروط، وقد وضعناها لكم بهذا الموضوع:
وإلى لقاء آخر مع مساهمة جديدة من مبدعي عذب الكلام.
مع تحيات فريق العمل.
تعليقات: 0
إرسال تعليق